BEATLES ¡A LA VISTA!

"Beatles ¡A la vista!"

John Pring & Rob Thomas

Ediciones B 

Barcelona (2018)

1. ed. 276 orr.

Liburu honek The Beatlesen historia kontatzen du eta ematen dituen datuak ezagunak dira, baina, daukan originaltasuna aurkezteko moduan datza. Diskaz diska taldearen historia infografiez, marrazkiez, mapez edo planoez adierazita dago, kontsulta liburu erakargarria eginez. 

Ez da jarraian irakurtzen den horietako bat, noizean behin datuak bilatzeko erabiltzen duguna baizik.

CAMBIO 16-1.138

"Cambio 16-1.138"

(1993ko irailaren 13a)

Información y Revistas S.A. (Madrid)

90 orr.

Cambio 16 aldizkariaren zenbaki honetan The Beatles taldeak bere garaiko gizartean izan zuen eragina aztertu zen, urte hartan taldearen diskografia berrargitaratu zenean. Ez da informazio berririk ematen, baina, nire ustez, oso interesgarria gertatzen da Robert Freeman argizkalariari buruzko artikulua.

Eta opari gisa, taldearen poster erraldoia, azaleko argazki bera duena. 

RUTA 66-65

"Ruta 66-65"

(1991eko iraila)

Ruta 66 (Barcelona)

66 orr.

Ruta 66 aldizkariaren zenbaki honetan azala John Lennoni eskeinita dago. 

Bertan dauden artikuluen artean, Ignacio Juliak Lennoni buruz idatzitakoa irakur dezakegu, Johnen argiak eta ilunak adierazten dituena, baina, batez ere, The Beatles taldetik kanpo egindako ekarpen musikala aztertuz. 

RUTA 66-140

"Ruta 66-140"

(1998ko ekaina)

Ruta  66 S.L. (Barcelona)

66 orr.

Ruta 66 aldizkariaren 138 zenbakian The Beatlesen filmeei buruzko dossierraren lehenengo zatia argitaratu zen eta 140 zenbaki honetan bigarren zatia daukagu. Yellow Submarine marrazki bizidunen filmearekin hasi eta hortik aurrera filmatutakoak dugu hizpide, beatleskideek bakarrean parte hartu zutenak barne, noski. 

ROLLING STONE-56

"Rolling Stone-56"

(2004ko ekaina)

Promotor General de Revistas S.A. (Madrid)

146 orr.

Espainaiko Rolling Stone aldizkariaren 56. zenbakiak Rockaren 50 kantari edota talde garrantzitsuenak aukeratu zituen, bakoitzari buruz musikari batek idatzitako artikulu txiki batekin eta artista batek egindako marrazki batez hornituta.

The Beatlesen kasuan, Elvis Costellok idatzi zuen testua eta Paul Davisek egin zuen marrazkia. John Lennoni dagokiona Lenny Kravitzek idatzi zuen eta Marco Venturak marraztu.

GOYA 2019

Goya 2019 galaren iragarkia

Andreu Buenafuente eta Silvia Abril Goya sarien aurtengo galaren aurkezleak izango dira.

Kontua da gala hori iragartzeko bideo hau argitaratu dutela, John Lennonek eta Yoko Onok, ohe batean sartuta, pakearen alde egindako ekintza berrinterpretatuz. 

Bideoan Andreuk eta Silviak umorea aldarrikatzen dute itxuraz aurreminduta daudenen aurrean. Idatzitako lemak dioen bezala:,"All you need is laugh"...

Aktoreen artean Concha Velasco, Macarena Gómez, Macarena Garcia eta Pedro Casablanc daude. Eta leihoaren atzetik, hegan, Dani Rovira agertzen da SuperLópezen paperean.

YELLOW SUBMARINE-KOMIKIA

"The Beatles. Yellow Submarine"

Bill Morrison

Panini Comics-Titan Comics (Girona, 2018)

1. ed. 112 orr.

Ezin da galdu aukera! Jadanik salgai daukagu liburudendetan "Yellow Submarine" komikia...

George Dunningen marrazkietan oinarrituta eta filmearen 50. urteurrena dela eta, Bill Morrisonek berriro marraztu ditu orduko irudiak. Emaitza ezinhobea da!

Komikiaz gain, liburuaren amaieran, Morrisonek egindako bozetoak, eta azal eta kontrazal alternatiboen arkatzezko irudiak ikus daitezke. 

Dastatu baino leheneago has zaitezkete lotura honetan ikus daitekeenarekin.