UNCUT-178

Uncut-178

IPC Media. London. 2012ko martxoa. 130 orr.

Uncut aldizkariaren azken alea, 178 zenbakiduna, hain zuzen, kalean da jadanik. 

Aldizkariak The Beatles taldeari buruzko artikulu berezia dauka, Hamburgon izan zuten aldia gaia duela. Bertan adierazten denez, dena hasi zen Hamburgon, ez Liverpoolen, Alemaniako hirian 1960tik 1962ra 300 gau baino gehiagotan emanaldiak izan zituztelako eta  haien itxura aldatu zutelako.

Guztia xehetasun askorekin kontatzen zaigu artikuluan. Adibidez, zein aretotan izan zituzten emanaldiak, noiz, norekin,...

Hori gutxi balitz, CD interesgarria daukagu opari, Sounds of the Star-Club izenekoa. CD horretan The Beatles taldeak interpretatzen zituen beste artisten abestiak bildu dira, jatorrizko artistek grabatutakoak. (Chuck Bery, Charles Perkins, Little Richard, Elvis Presley, Ray Charles,..) Interesgarria benetan!

Sound of the Star-Club (2012)

UNCUT 201203

BEATLES 62

Beatles 62, el año del cambio. 

Fernando López Chaurri

T & B Editores. Madrid (2011) 1. ed. 303 orr. 

The Beatlesen taldearen hasiera kontatzen zaigu liburu honetan, haien bizitzan hain garrantzitsua izango zen 1962 urtearen historia.

Decca estudioetan izandako froga, Hamburgoko Star-Cluben izan zuten denboraldia, Pete Best bateriajolearen kanporaketa eta Ringo Starr hartu zuten momentua, larruzko txamarrak utzita trajeak jantzen hasi izana, George Martin ekoizlea haiekin lanean hastea,  Love me do abestiaren grabaketa, ... ondo baino hobeto azaltzen ditu.

The Beatlesen historia kontatzen duten liburu asko daude argitaratuta mundu osoan, baina faltan zegoen taldearen  hasiera sakonki ikertzen zuena, lortu zuten arrakasta izugarria hobeto ulertzeko balio diguna. Eta hauxe da, nere ustez, liburu honek lortu egin duena. 

NOWHERE BOY

Nowhere  boy Taylor-Wood.Sam. (UK-Canada)

Cameo (2011) 95´

Orain dela egun batzuk Nowhere  boy  filmearen  DVDa erosi eta ikusi egin dut. 
John Lennonen bizitzaren une erabakigarria irudikatzen duen filme honek, gazte denboran ikastetxetik kanporatu ondoren Johni zer gertatu zitzaion ikusteko parada ematen digu...
Bere bizitzaren bi emakume garrantzitsuen eragina ikusten dugu, Julia, txikitan utzi zuen ama, eta Mimi, etxean hartu zuen izekoa. Biok eragina handia izan zuten bere nortasunean eta karrera musikalean. Amak jotzen irakatsi zion, Rock & Rollaren munduan murgilduz (Elvis erregearen musikan, tartean) eta Mimik bere lehen kitarra erosi zion.

The Quarrymen sortu zenetik The Beatles taldea lehenengo aldiz Hamburgora joan ziren arteko ibilbidea irudikatzen da...
Ez nuke esango filme ona denik, baina bai gustura ikusten den horietako bat dela. 
Eta filmea amaitzean (nola ez!) Johnen Julia abestia entzuten da... 

Aaron Johnson (John Lennon)

Anne-Marie Duff (Julia) & Kristin Scott Thomas (Mimi)

Thomas Brodie Sangster (Paul), Aaron Johnson (John) & Sam Bell (George)

SGT. PEPPER´S-EN AZALA IMITATZEN...

Sgt. Pepper´s Lonely Hearts Club Band (The Beatles. Parlophone, 1967)

Sgt. Pepper´s Lonely Hearts Club Band diskaren azala musikaren azalik ezagunena eta arrakastatsuena da zalantzarik gabe. 

Azala egiteko Peter Blakek eta Jann Haworthek montaketa itzela egin zuten Paul McCartneyren ideiari jarraituz, eta Michael Cooperrek behin betiko argazkia egin zuen.

Kontua da ordudanik azala askotan imitatua izan dela, sarrera honetan ikus daitekeen bezala, bertan adibide batzuk baino jarri ez ditudala.

Frank Zapparen Mothers of invention taldeak imitatu zuen lehenengoz We´re only in it for the money diskaren kasuan, atzeko azala ere imitatu zutela.

The Rolling Stones taldeak, beren aldetik, Their Satanic Majesties Request diska argitaratu zutenean The Beatlesen diskari erantzun omen zion. (Begira ezazu nola izkutatu zituzten Beatleskideen irudiak azalean...)

Eta ordudanik mundu osoan eta mota guztietako disketan azala eredu bezala hartua izan da...

Haien artean, kasu berezia izan daiteke Sgt. Petsound´s diskarena, The Beatlesen diskaren azala eta The Beach Boysen Pet Sounds izenekoa uztartzen baititu.

We´re only in it for the money (The Mothers of Invention.Verve, 1968)

Their Satanic Majesties Request (The Rolling Stones. Decca, 1967)

Electronic Version Of Sgt. Pepper´s (Jun Fukamachi. Toshiba, 1977)

The Moonlight Tapes (Askoren artean. Danceville, 1980)

Burnig Ambitions (Askoren artean. Cherry Red, 1982)

The Great Celebtrity Sing Off (Golden Throats. Rhino, 1988)

Et es 20 Johr jenau jetz her (Bläck Fööss. ?, 1990)

Verssioneando (Tijuana In Blue. Basati, 1992)

Sgt. Pepper´s (Big Daddy.Rhino, 1992)

Sinister Slaughter (Macabre. Nuclear Blast ,1993)

The Exotic Beatles-Part Two (Askoren artean. Exotica Records, 1994)

Tropical Tribute to the Beatles (Askoren artean.RMM Records, 1996)

The Monster Mash Rock´N´Roll Party (Askoren artean. Novelty Records, 1998)

Around The Globe (Askoren artean. QDK Records, 1998)

Naçao Nordestina (Zé Ramalho. BMG, 2000)

The Good, the bad & the ugly (Sonny Vincent. Empty Records, 2003)

Cripple Crow (Devendra Banhart. XL Recordings,2005)

Sgt. Petsound´s (The Beachles, 2006)

Pet Sounds (The Beach Boys.Capitol, 1966)

Con la ayuda de la amistad (Askoren artean.Rama Lama, 2006)

Welltberünhmt In Österreich (Askoren artean.Universal Music, 2007)

LOS TESOROS DE LOS BEATLES

"Los tesoros de los Beatles" 

Terry Burrows. Libros Cúpula. Barcelona (2011)

1. ed. 64 orr.

Gabonetan The Beatlesi buruzko liburu berri batzuk egoten dira salgai, haien artean prezio altua dutenak, opariak direla eta, errezago saltzen direlakoan edo. 

Aurtengo kuriosoena, beharbada, Los tesoros de los Beatles izenekoa izan daiteke.

Liburua kutxa baten barruan saltzen da, argazkian ikus daitekeen azala duena, eta, barruan argazki askoz hornitutako biografia arrunta egonez gain, taldearen dokumentu batzuen fakzimilak ditugu.

Haien artean honako hauek daude:

- Hamburgon lan egiteko Bruno Koshcmiderrekin egindako kontratua.

- Neil Aspinallen txartelean idatzitako errepertorioa.

- Liverpooleko Jazz Societyren foilletoa.

- Pan American konpainiaren txartela, autografiatuta.

- Roy Orbison/Beatlesen giraren kartela.

- Wellintonen izandako kontzertuaren kartela.

- Empire Stadium (Vancuver) ekitaldirako sarrera.

- Help! filmatzen zutenean sinatutako postala.

- Magical Mistery Touren jaiarako gonbidapena.

NOWHERE BOY FILMEAREN KARTELAK

Nowhere boy

(Espainia)

Nowhere boy (Sam Taylor-Wood, 2009) filmearen kartelak biltzen ibili naiz, gure artean filmearen DVDa salgai jarri denean. Herrialde ezberdinetakoak aurkitu ditut...

(Espainia)

(Britainia Haundia)

(Britainia Haundia)

(Txile)

(Israel)

(Grezia)

(Britainia Haundia)

(Alemania)

(Korea)

(Frantzia)

(Grezia)

(Rusia)

(Japonia)

(Suiza)

(Korea)

(Rusia)