"PAPERBACK WRITTER" FANZINEA-2

Paperback writer-1 (2000)

Paperback writer Valenciako Strawerry Beatles Fan Cluben fanzinea izan zen. 

Aspaldian berari buruzko sarrera argitaratu nuen, momentuan nituen aleen argazkiekin hornituta. 

Oraingo honetan lortu berri ditudan beste aleak dituzue, fanzinearen historia osatzen dutela...

Especial convención (2000eko ekaina)

Paperback writer-5 (2001)

Paperback writer-9 (2003)

Paperback writer-10 (2003)

Paperback writer-11 (2003?)

JOHN LENNONEN DISKAK ETA "EL PAÍS" EGUNKARIA

Plastic Ono Band

El País (2012-III-18)

Gaur El País egunkariak bilduma berri baten hasierari ekin dio, zortzi igandeetan, egunkariarekin batera eta 9,95€-ko prezioaz, John Lennonen diskografiaren zortzi diska plazaratuko ditu eta.

Diskak 2010 urtean erremasterizatutakoak dira. Ezagunak dira, baina oraingo honetan diska-liburu formatoan argitaratzen dira. Diska bakoitzarekin Paul du Noyer kritikari ezagunaren sarrera, argazkiak, abestien letrak, El Paisen agertutako artikuluak eta Diego Manriqueren testuak ditugu. Diska-liburu ederrak dira...
Igande ezberdinetan, Plastic Ono Band honez gain,  honako diska hauek lor ditzakegu:


- Imagine (2012-III-25)
- Sometime in New York (2012-IV-01)
- Mind Games (2012-IV-15)
- Walls and Bridges (2012-IV-22)
- Rock´n´Roll (2012-IV-30)
- Double Fantasy Stripped Down (2012-V-06)
- Milk and Honey (2012-V-13)




Informazio gehiago nahi izanez gero, lotura honetan eskura dezakezue...  

ROLLING STONE-149

Rolling Stone-149

 Prisa. Madrid. ( 2012ko martxoa) 114 orr.

Rolling Stone aldizkariaren martxoaren alean azala Paul MacCartneyri eskeini zaio, barruko artikulu batzuk berari buruzkoak dituela. 

Argitaratu berria den Kisses on the Botton diska dela eta, Pauli egindako elkarrizketa irakur dezakegu, Paulen oraingoa eta iragana behin baino gehiagotan tartekatzen dela galdera-erantzunetan. 

Oso kuriosoa da, bestalde,  Rolling Stonek urteetan zehar berari eskeinitako azalen bilduma, bere historiaren kontaketa osatzen duena. 

Eta, amaitzeko, Diego A. Manriquek idatzitako Reivindicación del de los mofletes artikuluan Paulen lana goraipatzen da Lennonenaren aldean, Johnena serioagoa edo aurrerakoiagoa aurkezten da eta. 

A HARD DAY´S NIGHT FILMEAREN KARTELAK

Britainia Haundia

The Beatlesen filmeen kartelak biltzen aritu naiz,  hilabetez hilabete filme guztienak argiratzeko asmoarekin. Oraingoan A Hard Day´s Night filmearen txanda da, herrialde ezberdinetako kartelak bildu ditudala. 

Ea gustukoak dituzuen...

Britania Haundia?

AEB

AEB

Alemania

Alemania

Alemania

Polonia

Frantzia

Beljika

Italia

Italia

Espainia

Espania

Japonia

Japonia

Argentina

ERRETXINAZKO IRUDIAK

The Beatlesen erretxinazko irudiak 

Aspaldian erosi nituen erretxinazko irudi hauek, Beatlesen garai psikodelikoa irudikatzen dutenak. 

Ez daukat datu gehiegirik haiei buruz. Ez dakit nork ekoiztu zituen ez eta noizkoak diren  ere. (Ikertu beharko dut!)

Etxean apal batean edo bitrina baten barruan egoteko oso egokiak dira. Ah!... batzutan bere zereginetan jarri daitezke. Adibidez, nire bildumakoak gabon hauetan etxeko jaiotzako pertsonaiak izan ziren   eszenari musika jartzen edo.

John Lennon (14 cm)

Paul McCartney (14 cm)

Ringo Starr (11 cm)

George Harrison (14 cm)

UNCUT-178

Uncut-178

IPC Media. London. 2012ko martxoa. 130 orr.

Uncut aldizkariaren azken alea, 178 zenbakiduna, hain zuzen, kalean da jadanik. 

Aldizkariak The Beatles taldeari buruzko artikulu berezia dauka, Hamburgon izan zuten aldia gaia duela. Bertan adierazten denez, dena hasi zen Hamburgon, ez Liverpoolen, Alemaniako hirian 1960tik 1962ra 300 gau baino gehiagotan emanaldiak izan zituztelako eta  haien itxura aldatu zutelako.

Guztia xehetasun askorekin kontatzen zaigu artikuluan. Adibidez, zein aretotan izan zituzten emanaldiak, noiz, norekin,...

Hori gutxi balitz, CD interesgarria daukagu opari, Sounds of the Star-Club izenekoa. CD horretan The Beatles taldeak interpretatzen zituen beste artisten abestiak bildu dira, jatorrizko artistek grabatutakoak. (Chuck Bery, Charles Perkins, Little Richard, Elvis Presley, Ray Charles,..) Interesgarria benetan!

Sound of the Star-Club (2012)

UNCUT 201203

BEATLES 62

Beatles 62, el año del cambio. 

Fernando López Chaurri

T & B Editores. Madrid (2011) 1. ed. 303 orr. 

The Beatlesen taldearen hasiera kontatzen zaigu liburu honetan, haien bizitzan hain garrantzitsua izango zen 1962 urtearen historia.

Decca estudioetan izandako froga, Hamburgoko Star-Cluben izan zuten denboraldia, Pete Best bateriajolearen kanporaketa eta Ringo Starr hartu zuten momentua, larruzko txamarrak utzita trajeak jantzen hasi izana, George Martin ekoizlea haiekin lanean hastea,  Love me do abestiaren grabaketa, ... ondo baino hobeto azaltzen ditu.

The Beatlesen historia kontatzen duten liburu asko daude argitaratuta mundu osoan, baina faltan zegoen taldearen  hasiera sakonki ikertzen zuena, lortu zuten arrakasta izugarria hobeto ulertzeko balio diguna. Eta hauxe da, nere ustez, liburu honek lortu egin duena.