BEATLESZALE

2014(e)ko apirilaren 30(a), asteazkena

YOKO ONO BILBON

Irailaren 4ra arte Bilboko Guggenheim Museoan Yoko Onoren lanari eskeinitako erakusketa egongo da ikusgai, Half-a-wind-Show izenekoa.

Egia esan, niri ez zait gehiegi gustatu, ez baita oso interesgarria. Kuriositate moduan, John Lennonek Yoko ezagutu zuenean erakusaretoan ikusi zuen "Sabai pintura, bai pintura" ("Ceilling Painting, Yes Painting", 1966) obra ikusteko aukera daukagu.

Erakusketa zabaldu baino lehenago hiru performance egin zituen museoan: Sky Piece To Jesus Christ, Promise Piece eta Action Paintig, azken hau museorako pentsatutakoa dena.

Informazio gehiago nahi izanez gero, Guggenheim Museoaren webgunea kontsulta daiteke.

2014(e)ko apirilaren 5(a), larunbata

GLEE-IMAGINE

Hona hemen "Glee" telesailean ikus genuen John Lennonen Imagine abestiaren bertsioa, gorren talde batek kantatuta telesaileko protagonista batzuekin.

Ez galdu, merezi du eta!

2014(e)ko apirilaren 4(a), ostirala

BINÉFAR BEATLES

Asteburu honetan Binéfar (Huesca) Beatleszaleen bilgunea da. Izan ere. Liverpoolgo taldea dela eta, ekintza asko antolatu dira:

- "Campos de fresas en el desierto" izeneko erakusketa, John Lenonek Almeriarekin daukan loturaz.

- Adolfo Iglesiasen hitzaldia "Juan & John: El profesor y Lennon en Almeria para siempre" liburuari buruz.

- "Nowhere boy" eta "Across the universe" filmeen emanaldiak.

- Beatlesen abestien bertsioak kantatzen dituzten "Abbey Road" taldearen emanaldia.

Binéfarrera hurbiltzeko aukera baduzu ez galdu eta gero kontatu!!

2014(e)ko martxoaren 27(a), osteguna

BAVARIA RADLER

Bavaria Radler garagardo enpresa alemaniarrak iragarki hau zabaldu du. Bertan, jadanik hilda dauden ospetsuak agertzen dira, John Lennon tartean.

John Lennon, Elvis Presley, Marilyn Monroe, Bruce Lee, Kurt Cobain eta Tupac Shakur irla paradisiako batean bizi dira Bavaria Radler garagardoaz disfrutatuz. Itsasuntzi bat hurbiltzen denean, haien paradisua izkutatzen dute. Baina Elvis ezin da izkutatu palmondoaren atzean, bere tripa sartzen duenean ipurdia agerian uzten baitu.

2014(e)ko martxoaren 21(a), ostirala

CELEBRATING 50 YEARS

"Celebrating 50 years of Beatlemania in America"

I-5 publising. Irvine (AEB) (2014) 96 orr.

Argitalpen hau ez da aldizkaria, nahiz eta horren itxura izan. Benetan interesgarria da AEBn izandako Beatlemaniaren berriskuspen hau, argazki ugariz hornituta dagoena!

2014(e)ko martxoaren 20(a), osteguna

BILBON BERRIRO!

Gaur The Beatles taldearen emanaldia izan dugu berriro Bilbon. Izan ere, Beatleskideen txotxongiloak ikusteko aukera izan dugu hiriko Kale Nagusian...

2014(e)ko martxoaren 4(a), asteartea

ROLLING STONE-1200

"Rolling Stone-1200"

Rolling Stone (New York, 2014ko urtarrila) 74 orr.

50 urte bete dira. John F. Kennedy erahil berria zegoen eta AEBetako komunikabideak ez zeuden Liverpoolgo taldearen alde, ezta disketxeak ere. Hala ere, The Beatles taldeak AEBak konkistatu zuten 1964ko otsailean.

Hori dela eta, Rolling Stone aldizakariaren otsailaren alean Mikal Gilmoreren artikulua irakur daiteke. Bertan, taldekideek zeuzkaten beldurren berri ematen digu, eta AEBko gizarteak kanpoko taldeekiko mesfidantzaz eta Capitol disketxeak konfiantza ezaz hitz egiten da.

Ed Sullivanen telebistako 3 programa haiek musikaren historia dira jadanik eta bertan hasi zen The Beatlesek AEBn izango zuten arrakasta.