PAPERBACK WRITER-12

"Paperback Writer-12"

(2003)

Strawberry Beatles Fan Club (Valencia)

38 orr.

"Paperback writer" fanzinearen bilduma osotzen dut lortu berria daukadan zenbaki honekin.

Aldizkariaren gai nagusia garai hartan "Let it be... naked" argitaratutako diska da. Horrez gain, honako artikulu hauek irakur ditzakegu:

- Ringo Starren diskografia

- Georgerentzako kontzertua.

- John Lennon Legend

- Beatlesen zinema, Beatles talderik gabekoa.

- 1961 urteko egunez egunekoa.

Zenbaki honekin, daukadan azkena 13.a da. Gehiagorik argitaratu ziren?

CUADERNOS EFE EME-10

"Cuadernos Efe Eme-10" 

Midons (Valencia, 2016ko negua)

224 orr.

"Cuadernos Efe Eme" aldizkariaren 10. zenbakian John Lennoni buruzko artikulu interesgarria irakurri ahal izan dugu.

Ignacio Juliàren artikulu horretan Johnen musika aztertzen da abeslariaren mitoa alde batera utzita, bakarreko karreran zentratuta eta bere diskografia pirata ere ikertuz. 

Beatleskidearen ikuspegi berria Juliàk eskeintzen diguna...

LOVE ORANGE-2

"Love Orange" iragarkia 

Orange telefonia-enpresaren Love tarifaren iragarki berria ikus dezakegu telebistan. Bestean bezala, bertan "All you need is love" abestia entzun daiteke.

Eta Love Negocio-ri dagokiona ere...

TITANS BINILOZKO IRUDIAK-RINGO

Titans Vinyl Figures-Ringo Starr 

Subafilms Ltd (2015)

16 cm-ko irudia

Ringoren irudiarekin jarraitzen dugu Titans Vinyl Figures Saileko irudien argitalpena. Submarinoaren irudia baino ez zait falta...

TITANS BINILOZKO IRUDIAK-GEORGE

Titans Vinyl Figures-George Harrison 

Subafilms Ltd (2015)

16 cm-ko irudia

George Harrisonen txanda da Titans Binilozko Irudien aurkezpenean. 

Beste irudia bildumarako...

"LENNON" KOMIKIA

"Lennon"

Foenkinos, David; Coberyan & Horne

Kraken (Madrid, 2016)

1. ed. 155 orr.

John Lennoni buruzko komiki berria daukagu, "Lennon" izenekoa.

Komikiak Johnek New Yorkeko Dakota eraikinean bere psikologoarekin dituen saio hipotetikoak kontatzen dizkigu, honela bere bizitzari berrikuspena egiten diola. 

Ez du abeslariaren ikuspegi berririk ematen eta marrazkia nahiko pobrea iruditu zait. Emaitza, beraz, eskasa.

EL FIN DE SEMANA PERDIDO

"John Lennon. El fin de semana perdido"

Iván Moldes.

T & B Editores (Madrid) 2016 

1. ed. 245 orr.

1973an John Lennon eta Yoko Ono banandu egin ziren eta John May Pangekin bizitzera joan zen. Elkarrekin pasatutako 19 hilabeteei "galdutako asteburua" izena jarri zion Lennonek, Billy Wilderren izen bereko filmari erreferentzia eginda. 

"The lost weekend"

Billy Wilder (1945)

Garai horri buruzko kontaketa May Pangek berak egin zuen "Loving John" (1983) liburuan, gure artean "Adorable John" (Plaza & Janés, 1984) izenpean argitaratu zena. Bere kontakizunaren muina bion arteko harremana zen, Johnen karrera bigarren planoan geldituta.

Iván Moldesen liburuan, ordea, John Lennonen garapen musikala eta beste musikariekin izandako hartuemanak aztertzen dira. Izan ere, galdutako asteburuan bi diska argitaratu zituen ("Walls and bridges" eta "Rock n´roll music"), beste musikarien disketan hartu zuen parte  (Harry Nilsson, Micke Jagger eta Ringo Starr), David Bowieren "Fame" abestiaren konposaketan lagundu zuen, Elton Johnekin batera grabatutako "Wathever gets you throu the nigth" abestiak lehenengoa izan zen zerrendan, Paul McCartneyrekin berriro elkartu egin zen,... Garai aberatsa ikuspegi musikalean, beraz.