NEW YORK YEARS

John Lennon-The New York years

NECA

17,5 cm

Hemen dago John Lennonen beste irudia. Kasu honetan New Yorken bizi zen garaia irudikatzen duena. 

Badago antzeko bat, baina handiagoa dena eta soinua ere daukana. Hurrengo batean aurkeztuko dut blogean...

ALL TOO MUCH

"All too much"

(Italia, 1993?) 93-BE-21273

"All too much" diska honetan The Beatlesen abestien bilduma dago, bertsio kuriosoak edo ezberdinak dituena. Haien artean, alemanerazko bertsio batzuk daude. 

Diska beraren Amerikako Estatu Batuen edizioa Interneten aurkitu dut, "rarities" izenpeko bilduma batean argitaratutakoak.

"All too much, the Beatles rarities on compact disc. Vol. 4"

The Beatles

Weestwood One Radio Network

USA-Canada

(1993)

JOHN LENNON-LOS JUGLARES

"John Lennon" 

Martinez, Miguel & Escudero, Vicente

Ediciones Júcar  (Madrid, 1994) 1. ed. 240 orr.

"John Lennon-2"

Andrés López Matinez

Ediciones Júcar (Madrid, 1998) 1.ed.

Hona hemen John Lennonen Espainiako bibliografian klasikoak diren bi liburu.

Júcar argitaletxearen "Los juglares" bildumakoak dira, eta modu sinple baina erakargarri batean Johnen bizitza eta lana aurkezten dizkigute.

Lehenengoak Lennonen mitoa dauka gaitzat eta, horrez gain, bere abestien antologia txikia (ingelesezko hitzekin eta gaztelaniazko itzulpenekin), bere bizitzako data interesgarriak, bere ziten bilduma eta diskografiaren datuak gehitzen ditu.

Bigarrenak Johnen biografia kontatzen digu,  1940 eta 1966 urteen bitartean, hain zuzen ere. Gehigarri moduan, 1957tik 1966 urtera arte izan zituen aktuazioen zerrenda daukagu ("The Quarry Men", "Johnny & The Moondoogs", "The Silver Beatles" eta "The Beatles" taldeekin). Zuzenean abestu zituen bertsioena ere kontsulta daiteke, eta  abestien hitzen bildumaren eta bere diskografiaren berri ematen zaigu.

LOS BEATLES Y LOS AÑOS 60

"Los Beatles y los años 60"

Michka Assayas & Claude Menier "Claudius"

ANAYA (Madrid, 1996)

1.ed. 96 orr.

Liburu hau Frantziako "Regard d´aujourd´hui" bildumaren "Les Beatles et les années 60" izenekoaren itzulpena da. Gure artean 1996an argitaratu zen, baina oraindik interesgarria iruditzen zaigu.

Liburuan The Beatlesen taldearen ibilbidea aurkezten da, beti 60. hamarkadaren gertaerekin lotura adieraziz eta, hau guztia, zatika kontsulta daiteke, irudi eta argazki ugari dituzten 2 orrialdeko atal bakoitzean  gai ezberdina jorratzen baitu. 

"Les Beatles & Les années 60"

Michka Assayas & Claude Menier "Claudius"

Fontaine (Paris, 1996)

1.ed. 96 orr.