LET IT BE-50. URTEURRENAREN BINILOAK

 

"Let it be  50th. Super Deluxe Edition"

Hauxe da "Let it be" diskaren argitalpenaren 50. urteurrena ospatzeko daukagun binilo bilduma. Kutxa batean honako argitalpen hauek ditugu:

1: Jatorrizko LPa erremasterizatua.

2: Liburua

3: "Get back" (estereoa). Glyn Jones ingeniariak 1969ko maiatzean bildua eta inoiz argitaratu ez dena.

4: "Get back"-Apple sessions, rehearsals and Apple jams

5: "Let it be" 12"-EP ("Across the universe", "I me mine", "Don´t let my down", "Let it be")

THIS IS ROCK-208

 

"This is rock-208"

(2021eko urria)

This is rock (Irun)

100 orr.

Irungo "This is rock" aldizkariaren urriko alearen azala George Harrisoni eskeinita dago, bere lanik onena den " All thigs must pass" berrargitalpena dela eta. 

Artikuluan sakonki ikertzen da diska horren sormen-prozesua, horretan protagonistak izan zirenen iruzkinekin. 

Harrison gustukoa baduzue ez galtzeko aldizkaria duzue!

RUTA 66-396

 

"Ruta 66-396"

(2021eko urria)

RUTA 66 S.L. (Barcelona)

66 orr.

"Let it be" diskaren edizio berria eta Peter Jacksonen "Get back" izeneko dokumentala direla eta, RUTA 66 aldizkariak "The Beatles" taldeari eskeintzen dio urriko alearen azala, "Rooftop"-eko kontzertuaren argazki batekin. 

Artikuluan "Let it be" diskaren grabazioari buruzko kontaketa daukagu, betiko zalantzekin, protagonistek momentu ezberdinetan bertsio ezberdinak eman baitituzte. Diskaren abestiei buruzko iruzkinak ere irakur daitezke.

Bestalde, George Harrisonen semea den Dani Harrisoni egindako elkarrizketa gehitzen da, "All Things Must Pass" diskaren berrargitalpena dela eta, berak lan  horretan aritu baita. 

UNCUT-292

 

"UNCUT-292"

(Irailak 2021)

BandLab UK Limited

West Sussex

114 orr.

Hona hemen UNCUT aldizkariaren azken zenbakiaren azala, berriro The Beatles taldeari eskeinitakoa dena. 

Artikuluen artean azpimarratu behar dugu "Revolver" diskari buruzkoa, argitaratu zenetik 55 urte betetzen direnean. Diskari buruzko iruzkinak ezagunak diren Brian Wilsonen, Johnny Marren eta Flaming Lipsen eskutik datoz.

TOKIO 2021

 

Hona hemen Tokioko Joku Olinpikoen inaugurazio ekitaldiko atal bat. 

Bertan estadioaren gainetik 1280 dronek mundua irudikatzen zuten momentua ikus dezakegu eta, geroago, John Lennonen "Imagine" abestu zenekoa. Abesterakoan Asiaren ordezkariak  Suginam Junior Chorus eta Anjélique Kidjo izan ziren, Europarena Alejandro Sanz, Ameriketakoa John Legend eta Ozeaniarena Keitz Urban.

MONGOLIA-98

 

"Mongolia-98"

(2021eko apirila)

Editorial Mong S. L. (Madrid)

32 orr.

Mongolia aldizkari satirikoaren apirileko alean John Lennonen eta Yoko Onoren "Two virgins" diskaren azala erabili da, eta horien ordez Vox alderdi ultraeskuindarraren liderraren eta Madrilgo lehendakariaren aurpegiak  agertzen dira, "Santi & Ayuko Ono. Madrid is over" lemapean, "War is over" kanpainarena imitatuz. Izan ere, pandemia garai hauetan Madrilgo erkidegoak neurri bigunenak dituena baita. 

Eta atzeko azalean " Give facha a chance" irakur dezakegu "Give peace a chance", Lennonen abestiaren izenburuari erreferentzia eginez.

Bestaldetik, "Imagine" abestiaren letra aldatuta irakur dezakegu barneko orrialdeetan, "Imargina" izenpean berridatzi dutena. Madrilgo alderdi eskuindar/ultraeskuindarren "ideologia" eta garatzen duten politika kritikatzen duena.

SER LOS PRIMEROS EN ESTAR CONTIGO

"Caixabank. Ser los primeros en estar contigo"

Caixabanken iragarki berria daukagu hemen, The Beatlesen "Let it be" abestia erabiltzen duena.

VINTAGE ROCK-49

 

"Vintage Rock-49"

Otsaila/Martxoa 2021

Anthem Publishing (Bath)

100 orr.

"Vintage Rock" aldizkariaren azken zenbakian The Beatles taldeak orain dela 60 urte "The Cavern" klubean hasitako ibilbidea kontatzen du orduko argazki askorekin hornitutako artikuluan. McCartneyk "Pink Floyd" taldearen David Gilmourrekin eta "Deep Purple" taldearen Ian Paicerekin 1999an klubari egindako bisitaren argazkia ere ikus daiteke bertan.

Eta aldizkarian azalean, orduko beatleskideen marrazki ederra, John Lennon, Paul McCartney, George Harrison, Stuart Sutcliffe eta Pete Best gazte gazte irudikatuz.

JOJO RABBIT

 

(Bideoa ezin da zuzenean ikusi, YouTuben ikusi beharra dago)

Hauexek dira "Jojo Rabbit" (Taka Waititi, 2020) filmearen kreditu-tituluak, The Beatlesen "I Want to Hold Your Hand" ( "Komm, gib mir deine Hand", alemaneraz) abestiarekin.

Musika hau erabiltzea probokatzeko eginda ote dagoen galdetzen diotenean, zuzendariak Hitlerrek nazio baten energiak mobilizatzea lortu zuela esaten du, era negatiboan, noski, The Beatlesek era positiboan egin zuten bitartean.

RINGO

Bai, hau Ringo da. Ez naiz okertu, ez!

Ringo gure etxeko txakurra da eta gure seme-alabek izen hori jarri zioten niri engainatzeko edo, nik etxean txakurrik nahi ez nuelako eta Beatleskide baten izena jarrita, bigunduko nintzelakoan zeudelako.

Kontua da 7 urte daramatzala gure etxean Ringok... 

 

MOJO-327

 

"MOJO-327"

(2021eko otsaila)

Academic House (London)

116 orr.

Badago salgai MOJO aldizkariaren otsailaren alea. 

Azalean John Lennonen argazkia eta artikuluen artean, berari eskeinitakoak, utzi zigun 40. urteurrena betetzen baitira. Artikuluetan John  Harrisek bere hilketa eta biografia gogoratzen ditu eta Klaus Voormanek, Earl Slickek eta MOJOren idazleeek gure bizitza aldatu zuten Johnen 20 momentu ikonikoak. 

DE LA A A LA Z

 

"The Beatles de la A a la Z. La banda icónica"

Steve Wide & Chantel de Sousa

Redbook ediciones s. l. (Barcelona, 2020)

1. ed. 56 orr.

Irakurle guztientzako liburu berri bat daukagu, beatleszale adituentzat beharbada sinplegia dena. Erraz irakurtzen da eta, nahi izanez gero, zatika irakur daiteke orri bitan gai konkretu bati buruzko informazioa baitago.

Nire ustez, daukan interesgarriena Chantel de Soussak egindako irudiak dira.

Bideo honetan liburua nolakoa den ikus daiteke...