BEATLESZALE

2015(e)ko urriaren 30(a), ostirala

BEATLEMANIA.UNA CRÒNICA PERSONAL

"Beatlemania. Una crònica personal"

Josep Maria Francino

Cal-lígraf edicions (Figueres, 2015) 177 orr.

Beatleszale garenontzat Josep Maria Francino oso ezaguna da aspaldidanik: kazetariaren artikuluak irakurrita dauzkagu, bere bildumaren berri izan dugu edo bere webgunea bisitatzen dugu noizean behin. Liverpooleko taldearen munduan aditua da, zalantzarik gabe, eta bere bizitzan taldeak eragin handia izan du.

Horregatik ez da harritzekoa honelako liburua idatzi izanak, The Beatlesen biografia egin beharrean, taldeak bere biografian zer izan den azaltzen baitu.

Liburuan bi zati bereizten dira. Lehengoan, kronika pertsonal hori kontatzen zaigu: Bartzelonako 65ko kontzertua, Paulen kontzertuak, Tony Sheridanekin izandako musika emanaldiak, The Beatlesi buruzko bilduma, Jordi Serra i Fabraren "L´assassí del Sgt. Pepper´s" liburua,... Bigarrenean, hanhemenka argitaratutako liburuen hitzaurreak edo artikuluak eta aldizkari ezberdinetarako idatzitakoak, bakoitza jatorrizko hizkuntzan, gaztelaniaz batzuetan eta katalaneraz beste batzuetan.

Esan behar da, azkenik, liburua katalaneraz idatzi badago ere, gaztelaniaz dakigunentzat ulergarria dela ahalegin txikia eginez gero, benetan merezi duena.

2015(e)ko urriaren 15(a), osteguna

MOJO-264

"Mojo-264"

(2015eko azaroa)

Mojo (London) 130 orr.

Kioskoetara heldu berria da azaroko Mojo aldizkaria, 264 zenbakia duena. Azala The Beatles taldeari eskeinita daukagu eta bertan 24 orriko artikulu bilduma interesgarria irakur dezakegu: John eta Paulen artekoak, taldearen lehenengo zenbakiak, mundua aldatu zuten 27 abestiak,...

Horrez gain, diska berezia gehitzen da, The Beatles taldeak bertsionatu dituen abestiak dituena, baina jatorrizko bertsioekin...

The Beatles songs taught us

Mojo (2015)

2015(e)ko urriaren 13(a), asteartea

THE BEATLES´ GARDEN-65

"The Beatles´ garden-65" (2015eko urria)

Sergeant Beatles Fan Club (Zaragoza) 32 orr.

Urtebete pasa da azken The Beatles´ garden argitaratu zenetik. Desagertuko zelakoan geunden, baina berpiztu egin zaigu!

The Beatles taldea Espainara heltzearen 50. urteurrena da gai nagusia, noski, baina beste gai batzuei buruzko artikuluak irakur ditzakegu. "Do you want to know a secret" eta berrien atalez gain, honako gai hauek ere lantzen dira:

- "50 aniversario de Los Beatles en España"

- "Que arriben els Beatles"
50 urteurrena dela eta, Bartzelonako Unibertsitatean izandako ekintzen multzoari buruzkoa.

- "Grabación de Los Beatles en Madrid" José Luís Álvarezek argitaratutako diskari buruz, aldizkarian "La gran mentira de José Luís Álvarez" izendatzen dutena.

- "Postcards from paradise" Ringoren azken diska du gaitzat.

- "Beatles weekends 2015"
Espainian hanhemenka izandako jaurdunaldi beatlesei buruzkoa.

- "Gira europea OUT THERE"

- "What´s wrong with Spain, Paul?"

- "Liverpool Beatle Week 2015"

2015(e)ko urriaren 5(a), astelehena

TODO SOBRE LOS BEATLES

"Todo sobre los Beatles. La historia de cada una de sus 211 canciones"

Jean Michel Guesdon & Philippe Margotin

Blume (Barcelona, 2015) 3. edizioa. 671 orr.

Argitaratu berria da liburu hau, 2013an lehenengo aldiz librurudendetan erosi ahal izan genuena eta 2014an bigarren edizioa izan zuena. Oraingoan formatu aldaketarekin datorkigu, kontsultatzeko erosogoa egiten zaiguna, txikiagoa eta azal bigunekoa baita.

Eta, zer esan edukiari buruz? Taldearen abesti guztien azalpena irakur dezakegu bertan, grabaketaren xehetasunak eta guzti. Beatleszale guztiontzat behar-beharrezkoa!!

2015(e)ko irailaren 23(a), asteazkena

UNCUT-221

"Uncut-221"

(2015eko urria)

Uncut (UK) 122orr.

Uncut aldizkari britaniarraren urriko alean Paul McCartneyri eskeini zaio azala, Linda McCartneyk 1982an egindako argazkia duena.

Horrez gain, hamar orriko artikulua dago, berari egindako elkarrizketarekin "The story of me and John" izenpean aurkezten dena eta argazki ugariekin hornituta dagoena.

Kuriositate batzuk ditu, haien artean taldekide bakoitzak beste Beatleskideen disketan parte hartzea adierazten duen grafikoa.

2015(e)ko irailaren 9(a), asteazkena

MOJO ALDIZKARIAK

"Mojo-35"

(1996ko urria) Mojo (London)146 orr.

The Beatles taldea gaia zuten azken urteetako Mojo aldizkariaren zenbakiei buruzko sarrerak idatzita ditut blogean.
Eta hauek dira orain dela gutxi lortutako beste batzuk...

"Mojo-42"

(1997ko maiatza) Mojo (London)162 orr.

"Mojo-71"

(1999ko urria) Mojo (London)146 orr.

"Mojo-83"

(2000ko urria) Mojo (London)146 orr.

"Mojo-92 (Solo Beatles especial)"

(2001eko uztaila) Mojo (London)146 orr.

Zenbaki honen lau bertsio argitaratu ziren, azal bakoitza Beatleskide bati eskinitakoa zena. Honako hau Georgerenea da, noski!

"Mojo-98"

(2002ko urtarrila) Mojo (London)138 orr.

"Mojo-108"

(2002ko azaroa) Mojo (London)178 orr.

"Mojo-114"

(2003ko maiatza) Mojo (London)144 orr.

Zenbaki honen beste bertsioa argitaratu zen, Yoko Onoren argazkia azalean duena.

2015(e)ko uztailaren 30(a), osteguna

IRUZURRA!

"Concierto en Madrid-2 julio 1965"

The Beatles. Cocodrilo Records (Madrid, 2015) LP (MU-016)

Bai. Iruzur egin digute...

Azkenaldi honetan oso pozik geunden beatleszale asko. The Beatles taldearen 1965eko Madrilgo kontzertuaren diska argitaratuko zela iragarrita zegoen eta kontzertu horren 50. urteurrenean salgai jarriko zela jakin genuen.

Baina argitaratu bezain laster, Madrilgo kontzertuaren grabaketaren ordez 1965eko Pariseko kontzertuarena dela demostratu ei da. Paul McCartneyk abesti bat aurkezteko gaztelainaz esaten duena ere ez da saio horretakoa, 1989an izandako kontzertu batena baizik.

Eta, batzuen ustez, Torrebrunok egindako aurkezpena, urte batzuk geroago egindako grabaketa omen da.

Esandakoa: iruzurra.

"Concierto en Madrid-2 julio 1965"

The Beatles. Cocodrilo Records (Madrid, 2015) CD

Hiru edizio ezberdin argitaratu dira:

1. CDa eta Biniloa dituena. Azala gorria dauka. (30 € inguru) eta 24 orrialdeko foilletoa.

2. Digipack CDa (15 € inguru)

3. Bildumagileentzako edizioa (80 €, 300 kopia) , honako osagai dituena:

- Binilo urdina eta CDa (azala urdina dutenak)

- Fonorama aldizkariaren 15-16 zenbakiaren faszimila, José Luis Álvarezek Beatleskideei egindako elkarrizketa duena. Jatorrizko azala eta prestatuta zegoena ditu.

- 42 orrialdeko foilletoa
- Madrilgo kontzertuaren kartelaren fakzimila.

- 5 Postal (aldebikoak)